ವಿಜಯಪಥ ಸಮಗ್ರ ಸುದ್ದಿ
ಹರಿಯಾಣ: ಪ್ರೀತಿಯ ಜಾಲದಲ್ಲಿ ಸಿಲುಕಿ ಅದರಲ್ಲಿ ಯಶಸ್ವಿಯೂ ಆಗಿ ನಂತದ ಮದುವೆಯಾಗಲು ತಯಾರಾಗಿದ್ದ ಜೋಡಿಯೊಂದನ್ನು ಹಾಡಗಲೇ ಗುಂಡಿಟ್ಟು ಕೊಲೆ ಮಾಡಿರುವ ಘಟನೆ ಹರಿಯಾಣದ ರೋಹ್ಟಕ್ ಜಿಲ್ಲೆಯಲ್ಲಿ ನಡೆದಿದೆ.
ಯುವಕನಿಗೆ ಸುಮಾರು 25 ವರ್ಷ. ಯುವತಿಗರ 27 ವರ್ಷವಾಗಿತ್ತು. ಇವರಿಬ್ಬರೂ ಒಬ್ಬರನ್ನೊಬ್ಬರು ಪ್ರೀತಿಸುತ್ತಿದ್ದು ಕಾನೂನಿನ ಪ್ರಕಾರ ಮದುವೆಯಾಗಲು ತಿಳಿಸಿದ್ದರು. ಇವರಿಬ್ಬರ ನಡುವೆ ವಯಸ್ಸಿನ ಅಂತರ ವಿರುವ ಕಾರಣ ಇವರ ಪ್ರೀತಿಗೆ ಯುವತಿಯ ಮನೆಯವರ ವಿರೋಧ ಮೊದಲಿನಿಂದಲೂ ಇತ್ತು ಎಂದು ಯುವಕನ ಪೋಷಕರು ಡಿವೈಎಸ್ಪಿ ಸಜ್ಜನ್ ಸಿಂಗ್ ತಿಳಿಸಿದ್ದಾರೆ.
ಯುವತಿಯನ್ನು ಭೇಟಿ ಮಾಡಲು ಯುವಕ ತನ್ನ ಸಹೋದರನೊಂದಿಗೆ ಮಹರ್ಷಿ ಯುನಿವರ್ಸಿಟಿ ಬಳಿ ಹೋಗಿದ್ದಾನೆ. ಇದೇ ಸಂದರ್ಭದಲ್ಲಿ ಇಬ್ಬರನ್ನು ಗುಂಡಿಟ್ಟು ಕೊಲ್ಲಲಾಗಿದೆ ಎಂದು ಯುವಕನ ಸಹೋದರ ಪೊಲೀಸರಿಗೆ ತಿಳಿಸಿದ್ದಾನೆ.
ಘಟನೆಯಲ್ಲಿ ಯುವಕನ ಸಹೋದರನೂ ತೀವ್ರ ಗಾಯಗೊಂಡಿದ್ದಾನೆ ಎಂದು ತಿಳಿದು ಬಂದಿದ್ದು, ಇವರಿಬ್ಬರ ಪ್ರೀತಿಗೆ ಒಪ್ಪದ ಯುವತಿಯ ಮನೆಯವರೇ ಅವರನ್ನು ಕೊಂದಿದ್ದಾರೆ ಎಂದು ಯುವಕನ ಪಾಲಕರು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಈ ಸಂಬಂಧ ಪೊಲೀಸರು ತನಿಖೆ ಆರಂಭಿಸಿದ್ದಾರೆ.
