ವೇತನ ತಾರತಮ್ಯ ನಿವಾರಣೆ ಬಗ್ಗೆ ಪ್ರಸ್ತಾಪಿಸದ ಸಾರಿಗೆ ಸಚಿವರು: ಶಿರವಿಲ್ಲದ ಮುಂಡದ ಸ್ಥಿತಿಯ ಭರವಸೆ ನಮಗೆ ಬೇಕಿಲ್ಲ ಎಂದ ನೌಕರರು

ಬೆಂಗಳೂರು: ಶಿರವಿಲ್ಲದ ಮುಂಡದ ಸ್ಥಿತಿಯ ಭರವಸೆ ನಮಗೆ ಬೇಕಿಲ್ಲ ಎಂದು ಕಳೆದ ಮೂರು ದಿನಗಳಿಂದ ಮುಷ್ಕರ ನಡೆಸುತ್ತಿರುವ ಸಾರಿಗೆ ನೌಕರರು ಸಚಿವರಿಗೆ ಹೇಳುತ್ತಿದ್ದಾರೆ.

ನಮಗೆ ನಾಲ್ಕು ವರ್ಷಕ್ಕೆ ಒಂದುಬಾರಿ ಮಾಡುತ್ತಿದ್ದ ಅಗ್ರಿಮೆಂಟ್‌ ಮಾಡಿಕೊಳ್ಳುವ ಅವಧಿ 1ಜನವರಿ 2020ಕ್ಕೆ ಮುಗಿದೆ. ಆದರೂ ಈ ಬಗ್ಗೆ ಸರ್ಕಾರ ಚಕಾರವೆತ್ತಿಲ್ಲ. ಈ ನಡುವೆ ಸರ್ಕಾರಿ ನೌಕರರಾಗಬೇಕು ಎಂಬುದನ್ನು ಒಪ್ಪುತ್ತಿಲ್ಲ. ಹಾಗಾದರೆ ನಾವೇನು ಮಾಡಬೇಕು ಎಂದು ಮುಷ್ಕರ ನಿರತ ನೌಕರರು ಆಕ್ರೋಶ ವ್ಯಕ್ತಪಡಿಸುತ್ತಿದ್ದಾರೆ.

ಬೇರೆ ನಿಗಮಗಳ ನೌಕರರಿಗೆ ಹೋಲಿಸಿಕೊಂಡರು ನಮ್ಮ ಅವರ ವೇತನಲ್ಲಿ ಭಾರಿ ವ್ಯತ್ಯಾಸವಿದೆ. ಹೀಗಾಗಿ ನಮಗೂ ಸರಿಸಮ ವೇತನ ನೀಡಬೇಕು ಎಂಬ ಬೇಡಿಕೆ ಇಟ್ಟಿರುವುದು ತಪ್ಪಾ ಎಂದು ನೌಕರರು ಸರ್ಕಾರವನ್ನು ಕೇಳುತ್ತಿದ್ದಾರೆ.

ಇನ್ನು ನೀವು ಕೊಡುತ್ತಿರುವ ಭರವಸೆಯಲ್ಲಿ ನಮ್ಮ ವೇತನ ಹೆಚ್ಚಳ ಮಾಡುವ ಬಗ್ಗೆ ಯಾವುದೇ ಪ್ರಸ್ತಾಪ ಮಾಡುತ್ತಿಲ್ಲ. ಅದನ್ನು ಬಿಟ್ಟು ಬೇರೆ ಬೇಡಿಕೆಗಳನ್ನು ಈಡೇರುತ್ತೇವೆ ಎಂದು ಹೇಳುತ್ತಿದ್ದೀರಿ. ಇಲ್ಲಿ ಶಿರವನ್ನೇ ಕಡಿದು ಕೈಯಲ್ಲಿ ಹಿಡಿದುಕೊಂಡು ಮುಂಡವನ್ನು ಮುಂದಕ್ಕೆ ಹೋಗು ಎಂದರೆ ಅದು ಸಾಧ್ಯವೆ. ಅಂದರೆ ಶಿರವಿಲ್ಲದ ಮುಂಡದಂತ್ತಾಗಿರುವ ನಮ್ಮ ವೇತನದ ಬಗ್ಗೆ ನೀವು ಒಂದು ನಿರ್ಧಾರಕ್ಕೆ ಬರಬೇಕು ಎಂದು ನೌಕರರು ಸಿಎಂ ಮತ್ತು ಸಾರಿಗೆ ಸಚಿವರಲ್ಲಿ ಮನವಿ ಮಾಡುತ್ತಿದ್ದಾರೆ.