ವಿಜಯಪಥ ಸಮಗ್ರ ಸುದ್ದಿ
ಮೈಸೂರು: ಜೀವಶಾಸ್ತ್ರ ಮತ್ತು ವೈದ್ಯಕೀಯ ಶಾಸ್ತ್ರವನ್ನು ಓದಿದ ನಮಗೆಲ್ಲಾ ಆರ್‌ಎಸ್‌ಎಸ್‌ ಮುಖ್ಯಸ್ಥ ಮೋಹನ್ ಭಾಗವತ್ ಅವರು ಹೇಳುತ್ತಿರುವ ಪುನರ್ಜನ್ಮದ ಕುರಿತಂತೆ ನಿಜಕ್ಕೂ ತಿಳಿದಿಲ್ಲ ಎಂದು ಮಾಜಿ ಸಚಿವ ಡಾ. ಎಚ್.ಸಿ.ಮಹದೇವಪ್ಪ ಹೇಳಿದ್ದಾರೆ.
ಭಾಗವತ್ ಹೇಳಿಕೆ ಟ್ವೀಟ್‌ ಮೂಲಕ ಪ್ರತಿಕ್ರಿಯಿಸಿರುವ ಅವರು, ʻಈ ಹಿನ್ನೆಲೆಯಲ್ಲಿ ಈ ವಿಷಯ ಹೇಗೆ ಸಾಧ್ಯವಾಗುತ್ತದೆ ಎಂಬುದರ ಬಗ್ಗೆ ನನ್ನೊಳಗೆ ದಿಗ್ಭ್ರಮೆ ಮೂಡಿದ್ದು ಸ್ವತಃ ಮೋಹನ್ ಭಾಗವತ್ ಅವರೇ ಒಮ್ಮೆ ಪುನರ್ಜನ್ಮ ತಾಳಿ ನನ್ನೆದುರಿಗೆ ಬಂದರೆ ಅವರ ಈ ಜ್ವಲಂತ ಅನುಭವದ ಸಹಾಯದಿಂದ ಪುನರ್ಜನ್ಮದ ಬಗ್ಗೆ ನಾನೂ ಕೂಡಾ ಒಂದಷ್ಟು ಸಂಗತಿಗಳನ್ನು ತಿಳಿದುಕೊಳ್ಳುತ್ತೇನೆ ಎಂದಿದ್ದಾರೆ.
ಪುನರ್ಜನ್ಮ ತಾಳಿ ಅವರು ಬಂದರೆ ಅವರ ಈ ಜ್ವಲಂತ ಅನುಭವದ ಸಹಾಯದಿಂದ ಪುನರ್ಜನ್ಮದ ಬಗ್ಗೆ ನಾನೂ ಕೂಡಾ ಒಂದಷ್ಟು ಸಂಗತಿಗಳನ್ನು ತಿಳಿದುಕೊಳ್ಳುತ್ತೇನೆ ಮತ್ತು ಈ ಕುರಿತಾಗಿ ನನಗೆ ಬಹಳಷ್ಟು ಕುತೂಹಲವೂ ಇರುವುದರಿಂದ ಮೋಹನ್ ಭಾಗವತ್ ಅವರು ಈ ನಿಟ್ಟಿನಲ್ಲಿ ಪುನರ್ಜನ್ಮದ ಪಡೆದು ಬರುವ ಕುರಿತು ಯೋಚಿಸಲಿ ಎಂದು ಸಲಹೆ ನೀಡಿದ್ದಾರೆ.
