ಹನೂರು : ರೈತರಿಗೆ ಮಾದರಿ ನಾಯಕ ನುಡಿದಂತೆ ನಡೆಯುವ ನಾಯಕ ನಮ್ಮ ಕುಮಾರಣ್ಣ ಅವರ ನಾಯಕತ್ವ ಮೆಚ್ಚಿ ನಾನು ಈ ದಿನ ಜೆಡಿಎಸ್ ಪಕ್ಷಕ್ಕೆ ಸೇರ್ಪಡೆಯಾಗುತ್ತಿದ್ದೇನೆ ಎಂದು ಓಲೆ ಮಹದೇವ್ ಹೇಳಿದರು.
ಪಟ್ಟಣದ ಜೆಡಿಎಸ್ ಕಚೇರಿಯಲ್ಲಿ ಹಮ್ಮಿಕೊಂಡಿದ್ದ ಪಕ್ಷ ಸೇರ್ಪಡೆ ಕಾರ್ಯಕ್ರಮದಲ್ಲಿ ಪಕ್ಷಕ್ಕೆ ಸೇರ್ಪಡೆಗೊಂಡು ಮಾತನಾಡಿದರು.
ಜೆಡಿಎಸ್ ರಾಜ್ಯ ಉಪಾಧ್ಯಕ್ಷರು ಹನೂರು ಜೆಡಿಎಸ್ ಅಭ್ಯರ್ಥಿ ಎಂ.ಆರ್. ಮಂಜುನಾಥ್ ಮಾತನಾಡಿ, ಈ ದಿನ ಪಕ್ಷಕ್ಕೆ ಓಲೆ ಮಹದೇವ್ ಬಂದಿರುವುದು ನಮ್ಮ ಗೆಲುವಿಗೆ ಸಹಕಾರವಾಗಲಿದೆ. ಈ ದಿನ ಒಳ್ಳೆಯ ಶುಭ ದಿನ ಈ ಹಿಂದೆ ಜೆಡಿಎಸ್ ಭದ್ರ ಕೋಟೆಯಾಗಿತ್ತು, ಇದೀಗ ಮತ್ತೆ ಅದೇ ಸ್ಥಿತಿಯನ್ನು ನಾವು ಕಾಣಬೇಕಾಗಿದೆ.
ಅಲ್ಲದೇ ನುಡಿದಂತೆ ನಡೆಯುವ ಸರ್ಕಾರದ ನಾಯಕರು ಕುಮಾರಣ್ಣ ಅವರ ಜನಪರ ಯೋಜನೆಗಳನ್ನು ತುಂಬಾ ಜನರು ಮೆಚ್ಚಿದ್ದಾರೆ. ಆ ನಿಟ್ಟಿನಲ್ಲಿ ಅವರ ಬಲ ಪಡಿಸಲು ನಾವೆಲ್ಲರೂ ಪಕ್ಷ ಸಂಘಟನೆಗೆ ಹೆಚ್ಚು ಒತ್ತು ನೀಡಬೇಕಾಗಿದೆ ಎಂದರು.
ಇದೇ ಸಂದರ್ಭದಲ್ಲಿ ಗುರುಮಲ್ಲಪ್ಪ, ಬಾಬು, ರವಿ, ಚಾಮುಲ್ ನಿರ್ದೇಶಕ ಪ್ರಸಾದ್, ಸದಾಶಿವಮೂರ್ತಿ, ರಾಜುಗೌಡರು, ಪಟ್ಟಣ ಪಂಚಾಯಿತಿ ಸದಸ್ಯರಾದ ಆನಂದ್, ಮಮತಾಜ್, ಮುಖಂಡ ಲಾರಿ ಪುಟ್ಟಸ್ವಾಮಿ, ಅಮೀನ್, ರಾಮಪುರ ಮಹದೇವಪ್ಪ ಜೆಸ್ಸಿಮ್, ಸಯ್ಯದ್ ಅಕ್ರಮ್, ಶಿವಮೂರ್ತಿ ಇನ್ನಿತರರು ಇದ್ದರು.
