ಮುಂಬೈ: ಊಟ ಮಾಡುವಾಗ ಕುಸಿದು ಬಿದ್ದು 57 ವರ್ಷದ ಐಎಎಸ್ ಅಧಿಕಾರಿಯೋಬ್ಬರು ನಿಧನರಾಗಿರುವುದು ಮುಂಬೈನ ಹೋಟೆಲ್‌ವೊಂದರಲ್ಲಿ ನಡೆದಿದೆ.
ಮಹಾರಾಷ್ಟ್ರ ಲೋಕೋಪಯೋಗಿ ಇಲಾಖೆ ಕಾರ್ಯದರ್ಶಿ ಐಎಎಸ್ ಅಧಿಕಾರಿ ಪ್ರಶಾಂತ್ ದತ್ತಾತ್ರೇ ನವಘರೆ ಮೃತಪಟ್ಟವರು. ನವಘರೆ ಅವರು ದಿಢೀರ್‌ ಕುಸಿದು ಬಿದ್ದು ಹೃದಯಾಘಾತದಿಂದ ನಿಧನರಾಗಿದ್ದಾರೆ ಎಂದು ವೈದ್ಯರು ತಿಳಿಸಿದ್ದಾರೆ.
ಘಟನೆ ವಿವರ: ಬುಧವಾರ ರಾತ್ರಿ ಕಾಲಾ ಗೋದಾ ನೇಬರ್ಹುಡ್ ಹೋಟೆಲ್ನಲ್ಲಿ ಊಟ ಮಾಡುತ್ತಿದ್ದರು, ಈ ವೇಳೆ ಕುಸಿದು ಬಿದ್ದು ಕ್ಷಣಾರ್ಧದಲ್ಲೇ ಜೀವ ಬಿಟ್ಟಿದ್ದಾರೆ ಎಂದು ತಿಳಿದುಬಂದಿದೆ.
ಊಟ ಮಾಡುವ ವೇಳೆ ಅಲರ್ಜಿಯ ಲಕ್ಷಣ ಇವರಲ್ಲಿ ಕಂಡು ಬಂತು. ಈ ವೇಳೆ ಅವರು ಹಠಾತ್ಪ್ರಜ್ಞೆ ತಪ್ಪಿದ್ದಾರೆ. ತಕ್ಷಣವೇ ಅವರನ್ನು ಆಸ್ಪತ್ರೆಗೆ ಸಾಗಿಸಲಾಗಿದೆ. ಆದರೆ ಅಷ್ಟರಲ್ಲಾಗಲೇ ಅವರ ಹೃದಯ ಬಡಿತ ನಿಂತುಹೋಗಿತ್ತು ಎಂದು ಪೊಲೀಸರು ತಿಳಿಸಿದ್ದಾರೆ.
ಮಾತಾ ರಾಮಾಬಾಯಿ ಅಂಬೇಡ್ಕರ್ ಮಾರ್ಗ್ ಪೊಲೀಸ್ ಠಾಣೆಯಲ್ಲಿ ಪ್ರಶಾಂತ್ದತ್ತಾತ್ರೇ ನವಘರೆ ಅವರ ಹಠಾತ್ ಸಾವಿನ ವರದಿ ದಾಖಲಾಗಿದ್ದು ಮುಂದಿನ ಕ್ರಮವನ್ನು ಪೊಲೀಸರು ಕೈಗೊಂಡಿದ್ದಾರೆ.
