ಬೆಂಗಳೂರು: ಮುಷ್ಕರದ ಸಮಯದಲ್ಲಿ ವಜಾಗೊಂಡಿರುವ ಸಾರಿಗೆ ನೌಕರರ ಕಾನೂನು ಹೋರಾಟ ತೀವ್ರಗೊಳಿಸುವ ಚರ್ಚೆಗೆ ಸಾಧ್ಯವಾದಷ್ಟು ಸಮಸ್ತ ನೌಕರರು ಭಾಗವಹಿಸಬೇಕು ಎಂದು ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ನೌಕರರ ಸಂಘ ಆಹ್ವಾನಿಸಿದೆ.
ಸಭೆಯು ಡಿಸೆಂಬರ್‌ 2ರಂದು ಜೈ ಭೀಮನ್ ಭವನ ( ಪೂರ್ಣಿಮಾ ಟಾಕೀಸ್ ಹತ್ತಿರ ಲಾಲ್ ಬಾಗ್) ದಲ್ಲಿ ಮಧ್ಯಾಹ್ನ 3ಗಂಟೆಗೆ ನಡೆಯಲಿದೆ. ಈ ಸಂಬಂಧ ನೌಕರರ ಪರ ವಕಾಲತು ವಹಿಸರುವ ವಕೀಲರ ಜತೆಗೆ ಹಿರಿಯ ನುರಿತ ವಕೀಲರನ್ನು ಖುದ್ದು ಭೇಟಿ ಮಾಡಿ ಅವರನ್ನು ಸಂಘದ ಪದಾಧಿಕಾರಿಗಳು ಆಹ್ವಾನಿಸುತ್ತಿದ್ದಾರೆ.
ಇನ್ನು ಮುಷ್ಕರದ ಸಮಯದಲ್ಲಿ ವಜಾಗೊಂಡಿರುವ ಸಾರಿಗೆ ನೌಕರರಿಗೆ ನಾಯಾಲಯಗಳಲ್ಲಿ ನ್ಯಾಯ ಸಿಗುವುದು ವಿಳಂಬವಾಗುತ್ತಿರುವುದರಿಂದ ಮತ್ತಷ್ಟು ಆರ್ಥಿಕ ಸಮಸ್ಯೆಗಳು ಹೆಚ್ಚಾಗುತ್ತಿದೆ. ಇದರಿಂದ ನೌಕರರು ಆತ್ಮಸ್ಥೈರ್ಯವನ್ನು ಕಳೆದುಕೊಂಡು ಮಾನಸಿಕ ಚಿಂತಗೆ ಒಳಗಾಗುತ್ತಿದ್ದಾರೆ.
ಆದುದರಿಂದ ನ್ಯಾಯಾಲಯಗಳಲ್ಲಿ ವಜಾಗೊಂಡಿರುವ ನೌಕರರ ಪ್ರಕರಣಗಳು ಯಾವ ಸ್ಥಿತಿ-ಗತಿಯಲ್ಲಿವೆ ಮತ್ತು ಶೀಘ್ರದಲ್ಲೇ ಅವರಿಗೆ ನ್ಯಾಯ ಸಿಗಲು ಪ್ರಕರಣಗಳನ್ನು ತೀವ್ರಗೊಳಿಸಲು ಏನು ಮಅಡಬೇಕು ಎಂಬುವುದರ ಬಗ್ಗೆ ಚರ್ಚಿಸಿ ತೀವ್ರ ಕಾನೂನು ಹೋರಾಟಕ್ಕೆ ತೀರ್ಮಾನಿಸಬೇಕಾಗಿದೆ.
ಹೀಗಾಗಿ ನ್ಯಾಯಾಲಯದ ಪ್ರಕರಣಗಳಿಗೆ ಸಂಬಂಧಿಸಿದ ಎಲ್ಲ ವಕೀಲರನ್ನು ಈ ಸಭೆಗೆ ಅಹ್ವಾನಿಸಿದ್ದು, ತಾವು ಸಹ ಈ ಸಭೆಗೆ ಆಗಮಿಸಿ ವಜಾಗೊಂಡಿರುವ ನೌಕರರಿಗೆ ಕಾನೂನು ಅರಿವು ಮತ್ತು ಅವರಿಗೆ ಆತ್ಮಸ್ಥೆರ್ಯ ತುಂಬಬೇಕೆಂದು ಈ ಮೂಲಕ ನುರಿತ ವಕೀಲರ ಜತೆಗೆ ನೌಕರರ ಪ್ರಕರಣಕ್ಕೆ ಸಂಬಂಧಿಸಿದ ವಕೀಲರಲ್ಲಿ ಮನವಿ ಮಾಡಿದ್ದಾರೆ.
